Qırğızıstanla Tacikistan sərhədində sərhəd qoşunları arasında atışma baş verib.

Bu barədə Qırğızıstanın Milli Təhlükəsizlik Dövlət Komitəsinin Sərhəd Xidməti bildirib.

Qeyd olunur ki, insident sərhədyanı Batken rayonunun Bulakbaşı yaşayış məntəqəsi yaxınlığında baş verib.

Hadisə nəticəsində hər hansı bir itkilərin olmadığı bildirilib.

Xatırladaq ki, Qırğızıstan və Tacikistan sərhədində ötən ilin aprelində və iyulunda, eləcə də bu ilin yanvarında iri toqquşmalar baş vermişdi.