İqtisadi Zonaların İnkişafı Agentliyi azad edilmiş ərazilərdə sənaye zonalarının rezidentləri üçün xüsusi güzəştlər paketi hazırlayır.

Trend-in məlumatına görə, bunu İqtisadi Zonaların İnkişafı Agentliyinin departament rəhbəri Emil Hacıyev deyib.

Onun sözlərinə görə, kommunal xidmət tariflərinin, kredit dərəcələrini azaldılması, eləcə subsidiyalar kimi güzəştlər paketdə yer alır.

"Rezidentlər üçün güzəştlərin genişləndirilməsi üzrə təkliflər hazırlanır. Biz gözləyirik ki, qeyd olunan güzəştlərə digər təşviqlər də əlavə olunacaq", - deyə o bildirib.