Türkiyə-Azərbaycan-Türkmənistan dövlət başçılarının üçtərəfli Zirvə Görüşündən gözlədiyim Türkmənistan qazını Xəzər vasitəsilə ölkəmizə gətirməkdir.

Trend xəbər verir ki, bu fikirləri Türkiyə Prezidenti Rəcəb Tayyib Ərdoğan bildirib.

Enerji, nəqliyyat və kommersiya məsələlərinin Zirvə Görüşünün əsas müzakirə mövzularından olacağını deyən Prezident Ərdoğan görüşdən sonra Türkmənistan qazını Xəzər vasitəsilə Türkiyəyə gətirə biləcəklərinə ümidvar olduğunu söyləyib.
"Aydındır ki, bizim həmrəyliyimizi daha da inkişaf etdirmək üçün potensialımız var. Münasibətlərimizi gücləndirmək üçün səylərimizdə biz cari regional və qlobal hadisələrin təklif etdiyi imkanları da nəzərə alırıq. Zirvə Görüşü bu səylərin konkret nümunəsidir", - deyə dövlət başçısı bəyan edib.