Paytaxt Bakıda Bülbülə gölünün ətrafında bulvar salınması üçün abadlıq işləri aparılır.

Bu barədə bu gün Trend-in sorğusuna cavab olaraq Bakı Abadlıq Xidmətindən bildiriblər.

Qeyd olunub ki, Bülbülə gölünün ətrafında yaşıl istirahət zonasının salınması nəzərdə tutulub. İlk növbədə, göl çirkab sulardan təmizlənir.

"Suyun təmizlənməsi üçün "Azərsu" ASC ilə birlikdə işlər aparılacaq. Birinci mərhələdə göl təmizləndikdən sonra ətrafında gəzinti, velosiped, skuterlər üçün yol salınması planlaşdırılır. İkinci mərhələdə isə yaşıllıq zonasının salınması nəzərdə tutulub", - qurumdan qeyd edilib.