"Tesla" superkarı "Roadster" üçün yenidən ilkin sifarişlər almağa başlayır Hadisə

"Tesla" superkarı "Roadster" üçün yenidən ilkin sifarişlər almağa başlayır

"Tesla" çoxdan gözlənilən və çıxışı dəfələrlə gecikdirilən "Roadster" üçün növbəti dəfə ilkin sifarişləri açıb.

Trend-in məlumatına görə, elektrikli avtomobil istehsalçısı 2022-ci ilin yazında müraciətləri qəbul etməyi dayandırmışdı. Ən yaxşı halda 2024-cü ildə satışa çıxarılacaq elektrik avtomobili sifariş etmək 50.000 dollara başa gəlir.

"Tesla Roadster'i sifariş etmək üçün ilk növbədə kredit kartı ilə 5000 dollar ödəniş tələb olunur. Əlavə 45.000 ABŞ dolları 10 gün ərzində pul köçürmə yolu ilə ödənilməlidir. "Roadster"in təxmini başlanğıc qiyməti 200.000 dollardır, baxmayaraq ki, "Tesla" bunun dəyişə biləcəyi barədə xəbərdarlıq edir.
Şirkət "Roadster" üzərində işləri bu ilin sonuna qədər başa çatdırmağı və bir il ərzində, 2024-cü ilin sonunda kütləvi istehsala başlamağı hədəfləyir. "Tesla"nın baş direktoru İlon Mask bu yaxınlarda rezervasiya sahiblərinin "səbrlərini sınadıqlarını" etiraf etdi və səbirlə maşınlarını gözləyənlərə təşəkkür etdi.