“Threads”də birdən çox şəxsi hesab açmaq mümkün olacaq.

Trend-in məlumatına görə, bu, istifadəçilərin digər hesablarına daxil olmaq üçün mövcud hesablarından çıxmaq məcburiyyətində qalmamasını təmin edəcək.

Daha yaxşı istifadəçi təcrübəsi əldə etməyə kömək edən hesab dəyişdirmə xüsusiyyəti “Threads”in rəsmi hesabı vasitəsilə elan edilib.

Qeyd edək ki, “Threads” əsası 6 iyul 2023-cü ildə Mark Zukerberq tərəfindən qoyulmuş sosial şəbəkədir. "Meta Platforms" şirkətinə məxsusdur.

Tətbiq “Twitter” və digər mikrobloq platformaları kimi işləyir: istifadəçilər mətn, şəkillər və videolar yerləşdirə və paylaşa bilər; başqalarının yazılarına cavab verə, repost edə və bəyənə bilər. Tətbiq "iOS" və “Android”də tam və məhdud funksionallıqla internetdə mövcuddur, tezliklə genişləndiriləcək. Sosial şəbəkə ilk 48 saat ərzində 80 milyon istifadəçiyə çatdı və daha əvvəl “ChatGPT” tərəfindən müəyyən edilmiş sürətli istifadəçi qeydiyyatı rekordunu qırdı.

Tətbiq “Instagram”a paralel işləyir: istifadəçilərin qeydiyyatdan keçmək üçün “Instagram” hesabı olmalıdır və eyni addan istifadə etmələri tələb olunur.