Mart ayının 30-dan başlanan Qrız əhvalatımız bir mövzu ətrafında hələlik bitmək üzrədir. Biz millətimizi təmsil edən ziyalılarımızdan daha gözəl bir həmlə, mütəşəkkil bir fəaliyyət, dəstək gözləyirdik. Olmadı. Canları sağ olsun. Əvvəldən sona qədər bu yolda bizi dəstəkləyən mətbuat dostumuza, məsələni dönə-dönə işıqlandıran mətbuat nümayəndələrimizə təşəkkür edirik.

Biz bir abidənin fəryadını verdik ki, bəlkə bu abidə inləyən digər abidələrimizin səsi olar. Çünki bu gün baxımsızlıq yaşayan tək abidə Qrızdakı abidələr deyil. Ümid edirik və inanırıq ki, bu məsələ ən yüksək səviyyədə həll ediləcək. Çünki biz zəngin bir mədəniyyətə sahib xalqıq. Hər kəs öz kəndindəki bir abidənin səsi olsa, hər kəs öz tariximizə sahib çıxmaq üçün səsini ucaltsa, inanırıq ki, nəticələr daha gözəl olar. Biz də son çarə kimi cənab Prezidentə müraciət etdik. İnanıram və əminəm ki, bu məsələ həll ediləcək.

Elnur Nəciyev, tarix üzrə fəlsəfə doktoru