Sabirabadda bıçaqlanma hadisəsi baş verib.

APA-nın Mil-Muğan bürosunun məlumatına görə, hadisə Sabirabad rayonunun Beşdəli kəndində qeydə alınıb.

Kənd sakini, 1957-ci il təvəllüdlü Hüseynov Rəvan Sərdar oğlu həyat yoldaşı Beşdəli kənd sakini, 1964-cü il təvəllüdlü Hüseynova Aidə Məhəmməd qızı və gəlini, 1983-cü il təvəllüdlü Hüseynova Lətafət Muxtar qızını bıçaqlayıb.

Yaralılar bıçaq xəsarətləri ilə Şirvan şəhər xəstəxanasına yerləşdirilib.

R.Hüseynov polis tərəfindən saxlanılıb.

Faktla bağlı araşdırma aparılır.