Rusiya Azərbaycana "BMP-3"lərin (Piyadanın Döyüş Maşınları) tədarükünü gələn il başa çatdırmağı planlaşdırır.
Bu barədə "TASS"-a hərbi-texniki əməkdaşlıq sistemindəki mənbə məlumat verib.
Müvafiq müqavilə 2010-cu ildə imzalanıb. Bundan öncə PDM-lərin 2016-cı ildə tədarük ediləcəyi deyilirdi. Lakin müəyyən səbəblərdən silahların tədarükü alınmamışdı.
Qeyd edək ki, 2010-cı ildə imzalanan müqaviləyə əsasən Rusiya Azərbaycana "T-90S" tanklarının üç batalyonunu, özüyeriyən artilleriyanı, reaktiv yaylım atəş sistemlərini və ağır alovsaçan sistemlərini tədrük etməlidir. KİV-in məlumatına görə, Azərbaycan həmçinin təmir-köçürmə və mühəndis maşınları da alıb.
Ekspertlər hesab edir ki, müqavilələr paketinin dəyəri 1 milyard dollara qədər təşkil edib.