Bu gün ali məktəb və kolleclərə sənəd qəbulu başa çatır Hadisə

Bu gün ali məktəb və kolleclərə sənəd qəbulu başa çatır

Bu gün 2020/2021-ci tədris ili üçün Azərbaycanın ali təhsil müəssisələrinə və tam (11 illik) orta təhsil bazasında orta ixtisas təhsili müəssisələrinə sənəd qəbulu başa çatır.
Dövlət İmtahan Mərkəzindən verilən məlumata görə, mayın 12-dən başlanan sənəd qəbulu bu gün saat 23:59-da başa çatacaq.
Qeyd edək ki, ali təhsil müəssisələrinə indiyədək ərizə verən abituriyentlərin sayı 89853-dür. I-IV qrup üzrə 72056 abituriyent ərizə verib. Onlardan 65964-ü Azərbaycan, 6092-si rus bölməsindəndir.
I qrup üzrə indiyə qədər 30578 (28081 nəfər Azərbaycan, 2497 nəfər rus bölməsi), II qrup üzrə 13997 (12638 nəfər Azərbaycan, 1359 nəfər rus bölməsi), III qrup üzrə 22372 (20789 nəfər Azərbaycan, 1583 nəfər rus bölməsi), IV qrup üzrə 5109 (4456 nəfər Azərbaycan, 653 nəfər rus bölməsi) nəfər ali məktəblərə sənəd verib.
V qrup üzrə qeydiyyatdan keçənlərin sayı ümumilikdə 56835 nəfərdir, onlardan 53143 nəfəri Azərbaycan, 3692-si isə rus bölməsidir.
Tam orta təhsil bazasından orta ixtisas təhsili müəssisələrinə indiyə qədər ərizə verən şagirdlərin sayı 59753 nəfərdir. Onlardan 56850 nəfəri Azərbaycan, 2903 nəfəri isə rus bölməsindən olan şagirdlərdir.