Polis əməkdaşları cəbhə bölgəsində vətəndaşların təhlükəsizliyi istiqamətində uğurla xidmət aparırlar Hadisə

Polis əməkdaşları cəbhə bölgəsində vətəndaşların təhlükəsizliyi istiqamətində uğurla xidmət aparırlar

İşğal altında olan torpaqlarımızın azad edilməsi uğrunda ordumuzun düşmənlə müharibədə əldə etdiyi şanlı qələbələrin fonunda polis əməkdaşları da cəbhəyanı bölgələrdə çətin və şərəfli xidmətlərini uğurla davam etdirirlər.

AZƏRTAC-ın bölgə müxbiri xəbər verir ki, polis əməkdaşları və Daxili Qoşunları hərbi qulluqçuları ölkə ərazisində elan edilən hərbi vəziyyət, vətəndaşların təhlükəsizliyi, ictimai-asayişi təmin etmək istiqamətində 24 saat xidmət aparırlar. Ölkəmizdə komendant saatının tətbiq edilməsi ilə əlaqədar cəbhə bölgəsini əhatə edən rayonlarda postlar qurulub. Polis əməkdaşlarının vətəndaşların təhlükəsizliyi, ictimai-asayişi təmin etmək istiqamətində fəaliyyəti cəbhə bölgəsinin sakinləri tərəfindən rəğbətlə qarşılanır. Ordumuzun cəbhədəki uğurlarından ruhlanan sakinlər Azərbaycan əsgərinin qələbəsinə əmindirlər.