M.Maqomayev adına Azərbaycan Dövlət Akademik Filarmoniyasının Kamera və Orqan Musiqisi Zalında Bakı Şəhər Mədəniyyət Baş İdarəsinin 24 nömrəli onbirillik musiqi məktəbi Ulu Öndər Heydər Əliyevin anadan olmasının 100 illiyinə həsr olunmuş hesabat konserti verib.

Baş İdarədən AZƏRTAC-a verilən məlumata görə, əvvəlcə Azərbaycan Respublikasının Dövlət Himni səsləndirilib, həmçinin Ümummilli Lider Heydər Əliyevin və şəhidlərimizin xatirəsi bir dəqiqəlik sükutla yad edilib.

Çıxış edənlər müasir Azərbaycanın qurucusu Heydər Əliyevin xalqımız və dövlətimiz üçün misilsiz xidmətlərindən danışıblar.

Sonra konsert proqramı təqdim edilib. Hesabat konsertində respublika və beynəlxalq müsabiqələr laureatları olan məktəbin şagirdləri Azərbaycan və Qərb bəstəkarlarının əsərləri ilə çıxış ediblər.