Birləşmiş Ştatlar İranla danışıqlarda diqqəti yenidən İslam Respublikasının nüvə proqramının müzakirəsinə yönəltmək niyyətindədir.

Xalqcebhesi.az xəbər verir ki, bu barədə "CNN" teleşirkəti məlumat yayıb.

Məlumata görə, ABŞ Prezidenti Donald Tramp administrasiyasının rəsmiləri Fars körfəzi ölkələrinin nümayəndələri ilə özəl söhbətlərində Vaşinqtonun "gələcək danışıqların diqqət mərkəzini Hörmüz boğazında gəmiçiliyin bərpasından Tehranın nüvə proqramına keçirmək" istədiyini bildiriblər.

Öz növbəsində İran nümayəndələri regional oyunçulara bəyan ediblər ki, Tehran nüvə proqramının müzakirəsinə yalnız Hörmüz boğazı ilə bağlı məsələ həll olunduqdan, o cümlədən ABŞ-nin İslam Respublikasının dəniz limanlarına tətbiq etdiyi blokada aradan qaldırıldıqdan sonra açıq olacaq.

Məryəm Quliyeva