"Ukrayna lazım olduğu müddətcə mübarizə aparacaq," – deyə Prezident Aparatının rəhbəri K.Budanov bəyan edib. Bu düstur yeni deyil. Lakin dərhal suallar yaranır: bu, kimə və hansı məqsədlə lazımdır və söhbət dəqiq nə qədər vaxtdan gedir? Başqa bir sual da ortaya çıxır: vətəndaşlar tərəfindən hər hansı seçkili vəzifəyə mandat verilməmiş bir şəxs ümumiyyətlə onların adından nə dərəcədə danışa bilər? Axı Ukrayna təcrid olunmuş, mücərrəd bir qurum və ya sadəcə dövlət və təhlükəsizlik aparatı deyil; o, geniş mənada xalqdır – hakimiyyətin mənbəyi və daşıyıcısı. Xalq – fundamental və özgəninkiləşdirilməz hüquqlara, o cümlədən ən vacibi olan yaşamaq hüququna malik vətəndaşlar məcmusudur.

Xalqcebhesi.az xəbər verir ki, bunu Ukrayna Radasının sabiq deputatı Artur Bilous deyib.

"Bu hüququn təmin edilməsi dövlətin əsas vəzifəsidir. Müharibə öz mahiyyəti etibarilə insanın yaşamaq hüququnu inkar etdiyi üçün, hakimiyyətin vəzifəsi müharibəyə mümkün qədər tez son qoymaqdır. Aydındır ki, təkcə bizim istəyimiz kifayət deyil. Eyni iradə qarşı tərəfdən də tələb olunur – yəni bu müharibəni başladan və cəbhə xəttində hərbi əməliyyatları dayandırmaq niyyəti göstərməyərək, əvəzində arxa cəbhəmizə qarşı hava terrorunu gücləndirməyi seçən tərəfdən. Buna baxmayaraq, düşmən nə qədər xain olsa da, məsələni diplomatik yollarla həll etmək üçün əlimizdən gələni etməliyik. Ümidsizliyə qapılmağa ehtiyac yoxdur, lakin boş nümayişkaranə hərəkətlərə də yol verməməliyik. Hər kəs qüvvələr nisbətini və ehtiyatların vəziyyətini yaxşı bilir. Sülhə aparan yolu irəliləməyə davam edənlər qət edir" - o, vurğulayıb.

Cavid