Rusiya Elmlər Akademiyasının arxeoloqları Böyük Novqorodda 10-cu əsrin sonlarına aid ərəb xilafətinə məxsus gümüş xəzinəsini tapıblar.

Bu barədə Rusiya Elmlər Akademiyasının Arxeologiya İnstitutunun rəsmi saytında məlumat verilib.

Ekspedisiya cari ilin iyul-sentyabr aylarında Böyük Novqorod şəhərinin Vozdvijenskaya küçəsindəki yaşayış binasının tikinti zonasında arxeoloji tədqiqatlar aparıb.

Xəzinədə 1800-ə yaxın gümüş sikkə və 80-dən çox gümüş zinət əşyası var idi. Onun çəkisi təxminən 3 kq idi. Xüsusilə, xəzinədə II Şah Xosrovun (591-628) Sasani drahması, imperator I Ottonun (936-973) alman dinarı və doqquz Bizans miliarisi var idi.

Cavid