Çərşənbə axşamı Vaşinqtonda Livan və İsrail arasında keçiriləcək danışıqlar müstəsna olaraq atəşkəs razılaşmasının əldə olunmasına yönələcək.

Xalqcebhesi.az xəbər verir ki, bu barədə Livanın rəsmi mənbəsi Al Jazeera telekanalına məlumat verib.

Mənbənin sözlərinə görə, Beyrutun mövqeyi "aydındır və atəşkəsə nail olmağın prioritetliyindən irəli gəlir", eyni zamanda "Livanın Vaşinqtondakı səfirinin rəsmi mandatı yalnız bu məsələnin müzakirəsi ilə məhdudlaşır". Mənbə qeyd edib ki, gözlənilən görüş "hazırlıq xarakteri daşıyır". O həmçinin vurğulayıb ki, "ABŞ dövlət katibinin İsrail ilə danışıqlarda iştirakı bu prosesə Amerikanın dəstəyinin göstəricisidir".

Məryəm Quliyeva