ABŞ, İraqın neft sektorunda fəaliyyət göstərən və İranla əlaqəli olan strukturlara qarşı sanksiyalar tətbiq edib.

Xalqcebhesi.az xəbər verir ki, bu barədə Dövlət Departamentinin mətbuat xidmətinin rəhbəri Tommi Piqott məlumat verib.

Donald Tramp administrasiyası, Vaşinqtonun versiyasına görə, İraqın neft resurslarından İranın proksi-qruplaşmalarını maliyyələşdirmək və Tehrana qarşı məhdudiyyətlərdən yan keçmək üçün istifadə edən fiziki və hüquqi şəxslərə qarşı sanksiyalar elan edib.

Məhdudiyyətlərə, xüsusən də İraqın neft nazirinin müavini Əli Maaric əl-Bahadli məruz qalıb. Dövlət Departamenti bəyan edib ki, o, öz xidməti mövqeyindən İraq neftini İranın maraqları naminə yönləndirmək üçün istifadə edib. ABŞ-ın məlumatına görə, sxem çərçivəsində İran nefti İraq nefti ilə qarışdırılaraq sanksiyalardan yan keçməklə satılıb.

Sanksiyalar həmçinin İranla əlaqəli "Kata’ib Sayyid Al-Shuhada" və "Asa’ib Ahl Al-Haq" qruplaşmalarının nümayəndələrini, eləcə də Vaşinqtonun iddiasına görə, onların neft sektoru vasitəsilə fəaliyyətini təmin edən şirkətləri əhatə edib.

Dövlət Departamenti vurğulayıb ki, bu növ şəbəkələr İraqın suverenliyinə xələl gətirir, ölkəni gəlirlərdən məhrum edir və regionda amerikalılara və ABŞ müttəfiqlərinə qarşı hücumların maliyyələşdirilməsi üçün istifadə olunur.

Məryəm Quliyeva