Vaşinqton və Tehran arasında danışıqların növbəti raundu iyunun 5-də keçirilə bilər.

Xalqcebhesi.az xəbər verir ki, bu barədə "Al Hadath" telekanalı öz mənbələrinə istinadən məlumat yayıb.

Mənbələrin verdiyi məlumata görə, ABŞ və İran arasında münaqişənin tənzimlənməsinə dair ilkin razılaşma qarşılıqlı anlaşma memorandumundan ibarətdir və onun imzalanmasından sonra "yekun məsələlər üzrə danışıqlar aparılacaq". Mənbələr dəqiqləşdirir ki, İran və ABŞ arasındakı potensial ilkin saziş "İslamabad bəyannaməsi" adlanacaq. Onların məlumatına görə, danışıqlar prosesində əsas vasitəçi olan Pakistan memorandumu əsas tərəflərin iştirakı olmadan elan edə bilər. Vaşinqton və Tehran isə "yekun saziş üzrə danışıqlar başlayanda" öz nümayəndə heyətlərinin rəhbərlərini göndərəcəklər.

Məryəm Quliyeva