Qərbin Qarabağ üçün hansısa status istəməsi, istək olaraq bundan o yana gedə bilməz. Qərb heç vaxt nə Qarabağa müstəqillik istəyə, nə də hər hansı bir durumda təktərəfli elan edilən müstəqilliyi tanıya bilməz. Bunu ona görə etməz ki, bu, Qərbin Rusiyadan fərqli olmadığı anlamına gələr və bunun Rusiyanın istədiyi torpağı öz ərazisinə qatmaqla beynəlxalq hüququ ayaqlar altına atdığı bir durumdan fərqi olmaz.

Bunu "Xalq Cəbhəsi"nə politoloq Azər Qasımov deyib.

Onun sözlərinə görə Rusiya qarşı dövlətin hüquqlarını pozmaqla hansı president yaradırsa, onda Qərb də eyni presidenti yaradar. Bu baxımdan, Qarabağ ermənilərinin "müstəqillik" istəkləri arzudan başqa bir şey deyildir:

"Hətta, hesab etmək olar ki, Qərb hansısa status məsələsini belə bu presidentə görə ehtiyat və çəkingənliklə istəyə bilər. Çünki Azərbaycan bu istəyi Rusiyanın separat bölgələr yaratmaqla onların müstəqilliyini tanıması və sonra həmin əraziləri ilhaq etməsi presidenti ilə müqayisə edib, bu qüvvələrin üzərinə getmək üçün unikal şərait əldə edə bilər. Bundan sonra heç bir Qərb ölkəsi öz adının Rusiya ilə eyni hüquqi presidentdə ermənilərə görə hallanmasını istəməz.
Rusiya öz hərəkəti ilə Qərbin də bəzi dairələrinin istəklərinin üzərindən xətt çəkdi. Daha çox Fransanın. Bu detal diqqətdə saxlanılmalıdır".
Cavid