Dünya birjalarında "Brent" markalı neftin bir barelinin qiyməti yanvarın 11-dən bəri ilk dəfə 82 dollar həddindən aşağı düşüb.

Trend-in məlumatına görə, Londonun "ICE Futures" birjasında neftin fevral fyuçersləri 81,3 dollar ətrafında alınıb satılır.

Ötən həftə ilə müqayisədə qiymətlərdə 3 faizə yaxın azalma qeydə alınıb.

Eyni zamanda, WTI markalı neftin yanvar fyuçersləri 3 faiz ucuzlaşaraq 74 dollar olub.