Beynəlxalq Enerji Agentliyi (IEA) 2025-2026-cı illər üçün gündəlik qlobal neft tələbatının artım tempi üzrə proqnozunu azaldıb.

Bu barədə “APA-Economics” Beynəlxalq Enerji Agentliyinin (IEA) hesabatına istinadə xəbər verir.

Hesabata əsasən, 2025-ci ildə dünyada neftə tələbat cəmi sutkada 680 min barel artacaq, bu da öncəki proqnoz göstəriicisindən (700 min barel) 20 min barel azdır.

Bununla yanaşı, Agentlik 2026-cı il üçün də qeyd olunan göstərici üzrə proqnozunu 20 min barel azaldaraq 700 min barelədək endirib.

Qeyd olunur ki, bu il üçün proqnoz, İqtisadi Əməkdaşlıq və İnkişaf Təşkilatına (OECD) daxil olmayan ölkələrdə gözləniləndən daha zəif tələbat səbəbindən azaldılıb.