Texasda təhlükəli maddələr daşıdığı güman edilən qatarın 35-ə yaxın vaqonu relsdən çıxıb.

Xalqcebhesi.az xəbər verir ki, ABC News-un məlumatına görə, səlahiyyətlilər Texas ştatının Palo Pinto şəhərində qatarın təxminən 35 vaqonunun relsdən çıxdığını açıqlayıb.
Səlahiyyətlilər qatarın təhlükəli maddələr daşıdığına inanıldığını bildirib.
Hadisə yerinə təcili tibbi yardım briqadaları göndərilib və kiçik yanğına müdaxilə edilib, lakin rəsmilər xəsarət alanların və ölənlərin olmadığını təsdiqləyiblər.
Səlahiyyətlilər vaqonlardan heç bir sızma müşahidə edilmədiyini və qəzanın səbəbləri ilə bağlı araşdırmalara başlanıldığını bildiriblər.

Məryəm Quliyeva