“Azərbaycanda dolların məzənnəsinə bazar iqtisadiyyatının klassik mexanizmləri həlledici təsir göstərmir”.

Bunu iqtisadçı ekspert Natiq Cəfərli “Xalq Cəbhəsi”nə açıqlamasında deyib.

Onun sözlərinə görə, ölkədə tətbiq olunan məzənnə rejimi daha çox inzibati tənzimləmə xarakteri daşıyır:
“Azərbaycanda məzənnə sərbəst bazar tərəfindən formalaşmır. Bu, inzibati qaydada müəyyən edilən məzənnə rejimidir.
Manatın dayanıqlığı əsasən ölkəyə daxil olan valyuta axınından, xüsusilə neft gəlirlərindən asılıdır.Ölkəyə nə qədər çox neft dolları daxil olursa, manat da bir o qədər stabil olur. Bu, manatın dayanıqlığını təmin edən əsas faktordur”.

Natiq Cəfərli vurğulayıb ki, mövcud şəraitdə məzənnəyə təsir edən əsas amil bazar deyil, idarəetmə mexanizmləridir:
“Bu səbəbdən məzənnədə dəyişikliklər bazar dalğalanmaları ilə deyil, daha çox inzibati qərarlarla əlaqəli olur”.

Günel Elxan