Cari ilin ikinci rübündə ölkə üzrə qaz hasilatı 2025-ci ilin müvafiq dövrü ilə müqayisədə 1% artaraq, 12,8 milyard kubmetr təşkil edib.

Dövlət Neft Şirkati (SOCAR) xəbər verir ki, müstəqil şəkildə və ya əsas payçı qismində istismar edilən yataqlardan 1,7 milyon ton neft, 1,8 milyard kubmetr qaz hasil olunub.

Ümumilikdə, cari ilin ikinci rübündə Azərbaycanda 6,6 milyon tondan çox xam neft hasil olunub.

Hesabat dövründə SOCAR tərəfindən xarici bazarlara 3,3 milyon tondan çox neft ixrac edilib. Buraya şirkətin öz imkanları ilə çıxardığı neft həcmləri ilə birlikdə ölkəmizdə fəaliyyət göstərən beynəlxalq konsorsiumlar tərəfindən hasil olunan neftin Azərbaycan dövlətinə və SOCAR-a məxsus mənfəət payları da daxildir. Ölkə üzrə təbii qaz ixracı 6,3 milyard kubmetr, istehlakı isə təqribən 2,5 milyard kubmetr təşkil edib. Təbii qaz ixracında 0,5 %, istehlakında isə 4,9 % artım qeydə alınıb.

Cari ilin ikinci rübündə SOCAR tərəfindən 1,4 milyon tondan çox neft, 679 milyon kubmetr qaz emal edilib. SOCAR-ın Azərbaycandakı müəssisələrində istehsal olunan 556,4 min ton neft, neft-kimya və qaz-kimya məhsulları xarici bazarlara ixrac edilib.