Bakıda fərdi yaşayış evlərinin sənədləşdirilməsi işçi qrup yaradılıb İqtisadiyyat

Bakıda fərdi yaşayış evlərinin sənədləşdirilməsi işçi qrup yaradılıb

17 may

Bakıda fərdi yaşayış evlərinin sənədləşdirilməsi işçi qrup yaradılıb.

Trend-in məlumatına görə, Bakı Şəhər İcra Hakimiyyətinin (BŞİH) başçısı Eldar Əzizov bunu Binəqədi rayonunda sakinlərlə görüşündə deyib.

İcra başçısı deyib ki, evlərin sənədləşmə işlərini bir anda həll etmək mümkün deyil:

"Bu problem on illiklərdən bəri yığılıb qalmış problemdir. Ölkə başçisı bu problemin həlli ilə bağlı müvafiq tapşırıqlar verib. Tərəfimizdən işçi qrup yaradılıb və Bakı şəhərinin bütün qəsəbələrinin sakinlərini narahat edən bu məsələnin həlli üçün əlaqədar qurumlarla birgə işlər aparılır. Tikilən evlərin sənədləşmə prosesində bir sıra əlavə problemlər ucbatından bu işləri bir anda həll etmək mümkün deyildir, vaxt tələb olunur. Hər halda məsələ nəzarətdə saxlanılır".