Bu ilin yanvar-may aylarında Azərbaycanda mobil rabitə xidmətlərindən əldə olunan gəlirlərin həcmi 362,8 mln. manat təşkil edib.
Bu barədə Dövlət Statistika Komitəsindən bildirilib.
Hesabat dövründə ölkə üzrə mobil rabitə xidmətlərindən əldə olunan gəlirlərin həcmi ötən ilin müvafiq dövrü ilə müqayisədə 5,2% artıb. Mobil rabitə sektorunun gəlirləri ümumi telekommunikasiya bazarının gəlirlərinin 42,2%-ni təşkil edib.
"Bu ilin ilk beş ayında informasiya və rabitə müəssisələri tərəfindən 859,7 mln. manatlıq xidmət göstərilib. Xidmətlərin 71,9%-i əhali tərəfindən istehlak olunub. Ötən ilin eyni dövrü ilə müqayisədə informasiya və rabitə xidmətlərin dəyəri real ifadədə 4,5% artıb. Bu sahədə əldə olunan gəlirin 79,9%-i qeyri-dövlət sektorunun payına düşüb", - deyə komitədən bildirilib.