Ceyhan terminalından 2006-cı ilin mayından 2020-ci ilin sonunadək 3,571 milyard barel neft nəql edilib.

Trend bu barədə Türkiyə KİV-lərinə istinadən məlumat verir.

Həmin dövr ərzində terminaldan 4 659 tanker yola salınıb.

Qeyd edək ki, 2020-ci ildə Ceyhan terminalı vasitəsilə 278 tankerlə 210,7 milyon barel neft daşınıb. Bu göstərici 2019-cu illə müqayisədə (231,1 milyon barel) azalıb.

Ötən il daha çox nəql apreldə (21,3 milyon barel), ən az nəql isə noyabrda (15,3 milyon barel) qeydə alınıb.