“Özbəkistanda Qaraqalpakstan Muxtar Respublikasinda baş verənlər Rusiya tərəfindən qızışdırilan etiraz aksiyalarıdır. Mərkəzi Asiya geopolitik qarşıdurma məkanına çevrilir və baş verənlər hazırda xaricdən idarə olunur”. Xalqcəbhəsi.az xəbər verir ki, bunu politoloq Məhəmməd Əsədullazadə deyib. M.Əsədullazadə bildirib ki, Özbəkistan hakimiyyətinin belə bir etiraz aksiyalarını dağıtmaq təcrübəsi var: “Fərqanə də Özbəkistan təhlükəsizlik qüvvələri tərəfindən etirazların odlu silahla yatırilması yaxın tarixdə baş verib. Etiraz genişlənsə, silahlı qarşıdurmanın baş verməsi mümkündür. Özbəkistanin apardığı siyasət Rusiyanı narahat edir.
Azərbaycan Özbəkistanda siyasi sabitliyin bərqərar olmasında maraqlıdır. Bu region Azerbaycan üçün strateji əhəmiyyət kəsb edir”.