

“Biz - Ukraynada yaşayan azərbaycanlılar ukraynalılardan daha çox vətənpərvərik”
Rəis Rəsulzadə: "Rəsulzadə haqqında çox yazılıb, amma irsinin öyrənilməsinə ehtiyac var"
Azərbaycanın gənclər siyasəti möhkəm təməllər üzərində qurulub
Qazanılan nəticə Azərbaycanda batut gimnastikasının inkişafının göstəricisidir - Dmitri Poliaruş
Prezident İlham Əliyev Dağıstanın keçmiş rəhbəri Maqomedali Maqomedovun vəfatı ilə bağlı doğmalarına və yaxınlarına başsağlığı məktubu göndərib.
Məktubda deyilir:
"Dağıstanın görkəmli dövlət və ictimai-siyasi xadimi, Azərbaycan xalqının böyük dostu Maqomedali Maqomedovun vəfatı xəbəri məni dərindən kədərləndirdi.
Maqomedali Maqomedov Azərbaycan və Dağıstan arasında ənənəvi dostluq əlaqələrinin inkişafına və genişlənməsinə, xalqlarımız arasında qarşılıqlı anlaşma və etimad ab-havasının möhkəmlənməsinə sanballı töhfə verib.
Maqomedali Maqomedoviç Maqomedov ilə Heydər Əlirza oğlu Əliyev arasında yaranmış dostluq münasibətlərini Azərbaycanda həmişə yüksək qiymətləndiriblər.
Maqomedali Maqomedovun nurlu xatirəsi daim qəlbimizdə yaşayacaq.
Bu ağır itki ilə əlaqədar sizin kədərinizə şərik çıxır və səmimi qəlbdən başsağlığı verirəm.
Allah rəhmət etsin!".