“Yaxşı xəbər ondan ibarətdir ki, hazırda ən azı bütün tərəflər danışıqlar prosesi ilə ciddi şəkildə məşğul olur. Bu, asan olmayacaq, lakin bizim nail olmaq istədiyimiz həll regiondakı bütün insanların hüquqları və təhlükəsizliyinə, eləcə də suverenlik və ərazi bütövlüyü məsələlərinə toxunur”.

Bunu ABŞ-ın Azərbaycandakı səfiri vəzifəsinə namizədliyi irəli sürülmüş Mark Libbi Senatda dinləmlər zamanı ermənipərəst senator Bob Menendezin Qarabağdakı vəziyyət və Laçın yolu ilə bağlı sualına cavabında deyib.
"Qarabağdakı vəziyyətə gəlincə, bunun tərəflərin qərar verəcəyi məsələ olduğunu nəzərə alaraq qərəzli münasibət bəsləmək istəmirəm", - Libbi əlavə edib.