Azərbaycanın NATO-dakı daimi nümayəndəsi Cəfər Hüseynzadə NATO baş katibinin ictimai diplomatiya üzrə köməkçisinin müavini Karmen Romero ilə görüşüb.

Bu barədə Cəfər Hüseynzadə “Tvitter” paylaşımında bildirib.

O, qeyd edib ki, görüş zamanı tərəflər ictimai diplomatiya və NATO-nun İctimai Diplomatiya İdarəsinin NATO-Azərbaycan praktiki tərəfdaşlığına töhfələri ilə bağlı yaxşı söhbət aparıblar. Görüş zamanı Latviyanın Azərbaycandakı səfirliyinin və NATO-nun Azərbaycandakı Kontakt Nöqtəsi Səfirliyinin fəaliyyətinə də diqqət yetirilib.