“Ermənistan post müharibə reallıqlarını qəbul etməlidir. Bu reallıqlar çərçivəsində sülh sazişini imzalamalıdır və sözdən əmələ keçməlidir”. Bunu xalqcəbhəsi.az-a açıqlamasında politoloq Zaur İbrahimli deyib. Z.İbrahimli əlavə edib ki, cənab prezident xüsusilə beynəlxalq birliyə də qeyri-obyektiv mövqeyə görə öz qınağını çatdırdı: “Doğurdan da son vaxtlar xüsusilə Avropa parlamenti və AŞPA Azərbaycanla münasibətdə açıq qərəz nümayiş etdirir. Birmənalı şəkildə Ermənistanın vəkili kimi çıxış edilir. Və bu əslində sülh prosesin əngəlləyir, revanşist bir əhval-ruhiyyə və separatçılığa zəmin yaradır. Bu baxımdan Avropa parlamenti və o cümlədən AŞPA da öz məsuliyyətini dərk eləməlidir. Onlar başa düşməlidirlər ki, onların bu addımları sülhə yaxınlaşdırmır, əksinə uzaqlaşdırır və Azərbaycanın qəti mövqeyi bütün region ölkələri, o cümlədən bütün aparıcı dövlətlər tərəfindən dəstəklənir və Azərbaycan əsasən haqq işində vuruşur”.