“Luis Bononun səfərindən gəldiyim nəticə budur ki, Azərbaycanın davranışları, Türkiyənin atdığı addımlar regionda ABŞ-la Fransanın çoxdan arzuladıqları savaşın alınmayacağını ortaya çıxardığından 2024-cü il seçkisinə hazırlaşanlar bütün gücləri ilə məhz öz moderatorluqları altında keçirilən sülh danışıqlarında uğur əldə edildiyini göstərməyə çalışacaqlar”. Xalqcəbhəsi.az xəbər verir ki, bunu millət vəkili Sahib Alıyev deyib: “Amma sülh danışıqlarında əldə ediləcək uğur “Armenian National Committee of America” nın marağına yox, məhz Azərbaycanın irəli sürdüyü 5 prinsipə, yəni beynəlxalq normalara uyğun olmalıdır...”.