“Avropa Parlamentində (AP) Azərbaycana qarşı sanksiya çağırışları yüksəlir. Hətta artıq bununla bağlı qətnamə də qəbul edildi. Lakin nə bu günə qədər qəbul edilən qətnamələrin, nə də bundan sonrakıların Bakının nəzərində heç bir əhəmiyyəti yoxdur”. Bunu xalqcəbhəsi.az-a açıqlamasında politoloq Turan Rzayev deyib. T.Rzayev bildirib ki,
AP-də təmsil olunan deputatların əksəriyyəti tərəfli yanaşma sərgiləyir. Yenə bir çoxu erməni lobbisi və diasporunun əlində marionetə çevrilib: “Avropa Parlamenti yeni seçkilərə hazırlaşdığı bir zamanda Azərbaycana qarşı çağırışların edilməsi təsadüfi deyil. Aydın məsələdir ki, erməni lobbisinin pulu ilə yenidən seçilmək istəyən deputatlar məhz buna görə aktivləşib, Azərbaycanı hədəf seçiblər.
Erməni lobbisi və diasporundan söz düşmüşkən, bir şəxs daha çox diqqət çəkir. Bu maliyyələşmənin arxasında Brüsseldə yaşayan erməni əsilli qanlı brilyant qaçaqmalçısı Kaspar Karapetyan dayanır.
Belə ki, Avropa İttifaqı-Ermənistan dostluq qrupu Ədalət və Demokratiya uğrunda Ümumavropa Erməni Federasiyası (EAFJD) təşkilatı ilə sıx bağlıdır. Kaspar Karapetyan isə bu təşkilatın prezidentidir”.

Əli