“27 Sentyabr Azərbaycan xalqının taleyində və tarixində ən böyük hadisələrdən biridir. Xalq və Ali Baş Komandan erməni işğalına son qoymaq, işğal altında olan torpaqlarını azad etmək, milyonlarla qaçqını öz dədə-baba yurduna qaytarmaq, faşizm üzərində qələbə çalmaq üçün bu addımı atdı”. Bu sözləri xalqcebhesi.az-a açıqlamasında professor, deputat Anar İsgəndərov söyləyib. O qeyd edib ki, Ali Baş Komandan Azərbaycan tarixinə şərəf yazdı: “Bu şərəf nədən ibarət idi? Düşmənin və havadalarının təhdidlərinə və təzyiqlərinə baxmayaraq öz cəsarəti, təcrübəsi ilə hər şeyi geriyə buraxdı. Məqsəd torpağı azad etmək idi, bu məqsədə də nail oldu. Beləliklə, Azərbaycanın ərazi bütövlüyünü təmin etdi. Bununla da kifayətlənmədi 1923-cü ildə Azərbaycan torpağında zorla Sovet dövlət başçılarının təkidi ilə yaradılan Dağlıq Qarabağ Muxtar Vilayətini 2023-cü sentyabrında tarixin arxivinə göndərdi və Azərbaycanın suverenliyi bərpa olundu, separatçı yuva darmadağın edildi”.