“Ölkəmiz bü gün müxtəlif dinlərin və mədəniyyətlərin qovuşduğu bir məkandır” Siyasət

“Ölkəmiz bü gün müxtəlif dinlərin və mədəniyyətlərin qovuşduğu bir məkandır”

Aydın Mirzəzadə: "Azərbaycanda keçirilən beynəlxalq tədbirlər ölkəmizə olan marağın genişləndirilməsinə xidmət edir"

"Azərbaycanın beynəlxalq tədbirlərə ev sahibliyi etməsi ölkəmizin artan nüfuzunu göstərir". Bunu millət vəkili Aydın Mirzəzadə deyib. Bir neçə gün bundan öncə ölkəmizin Mədəniyyətlərarası Dialoq Forumuna artıq IV dəfə ev sahibliyi etdiyini xatırladan millət vəkili söyləyib ki, həmin gələnlərin ildən-ilə artması, digər ölkələrin dövlət başçılarınının bu tədbirlərə qatılması Azərbaycanın keçirdiyi beynəlxalq tədbirlərin dünyada böyük maraq doğruduğunu göstərir: "Azərbaycan çağırış etdiyi məsələlərə dair özünün nümunəsini ortaya qoyur. Azərbaycan bu gün tolrenatlığın, multikultural dəyərlərin qorunması, beynəlxalq hüququn hörmətlə yanaşılmasının təcrübəsini ortaya qoyur. Ölkəmiz bü gün müxtəlif dinlərin və mədəniyyətlərin qovuşduğu bir məkandır. Bu bizim dövlətçiliyimizin möhkəmlənməsi, bir dövlət kimi inkişaf etməyimizə ciddi təsir edir".
A. Mirzəzadə əlavə edib ki, Azərbaycanda keçirilən beynəlxalq tədbirlər həm ölkəmizin dünyada daha da yaxşı tanınmasına, həm də ölkəmizə olan marağın genişləndirilməsinə xidmət edir.
Millət vəkili Jalə Əliyeva isə vurğulayıb ki, ölkəmizdə beynəlxalq konfransların, tədbirlərin keçirilməsi çox əhəmiyyətlidir: "Bu, əlbəttə ki, Azərbaycanın uğuru, nailiyyəti eləcə də dünya səviyyəsində tanınması və qəbul edilməsi deməkdir". Onun sözlərinə görə, Azərbaycanın beynəlxalq tədbirlərə ev sahibliyi etməsi, bizim üçün şərəfli olsada həm də üzərimizə böyük məsuliyyət, cavabdehlik qoyur: "Bu cür təbirlər ildən -ilə ölkəmizə gələnələrin sayını artırır. Bu da ölkəmizə marağın, diqqət mrkəzində olduğunu göstərir. Ümumiyyətlə, Azərbaycana dünyada etibar, inam böyükdür. Çünki ölkəmiz tolerantlığın, sabitliyin, millətliliyin , suverenliyin ünvanıdır. Azərbaycana gələnlər təbii ki bütün bunları öz gözləri ilə görür, buna şahid olurlar. Bu da ölkəmiz üçün böyük divident, uğur və başucalığıdır".
Millət vəkili qeyd edib ki, əgər Azərbaycanın 20 faiz torpaqlarının 25 ildir ki, mənfur düşmən tapdağı altında olduğunu nəzərə alsaq, ölkəmizdə beynəlxalq tədbirlərin keçirilməsi ölkə həqiqətlərimizin tanıdılması baxımında da çox önəmlidir: "Düşmən təkcə topaqlarımızı işğal etməyib, vətəndaşlarımız yalnız qaçqın və məcburi köçkün vəziyyətində deyil, mənfur qonşumuz eyni zamanda bütün dünyada anti-Azərbaycan təbliğatı aparmaqla bizə qarşı olan inam və etibarı azaltmağa çalışır. Lakin beynəlxalq tədbirlərin keçirilməsi ilə dünya insanının, vətəndaşlarının xüsusilə də öz ölkəsində söz sahibi olan şəxslərin gəlib Azərbaycan həqiqətlərini gözləöri ilə görməsi birbaşa erməni siyasətinə, təbliğatına vurulan ən böyük zərbədir. Bu, Azərbaycanın böyük qələbəsidir".