“Bu kimi addım çox yəqin ki, erməni-gürcü və erməni-rus münasibətlərinə təsir göstərməyə bilməz”. News-am xəbər verir ki, bu barədə Ermənistan parlamentinin sabiq deputatı Karen Bekaryan Facebook vasitəsi ilə BMT baş katibliyinin 73-cü sessiyasında Ermənistanın Abxaziya və Cənubi Osetiyanın statusu ilə bağlı qətnaməyə səs verməməsinə münasibətini açıqlayarkən qeyd edib. Belə ki, bununla bağlı Gürcüstan 2008-ci ildə BMT qarşısında tələb qaldırıb.

Bekaryanın qeyd etdiyinə görə, Ermənistan daha yaxşı olardı ki, susardı: “Hər il abxazların və cənubi osetinlərin statusları ilə bağlı qətnamənin əleyhinə səs verən Ermənistan bu dəfə səsvermədə iştirak etmədi. Bu kimi addım çox yəqin ki, erməni-gürcü və erməni-rus münasibətlərinə təsir göstərməyə bilməz. Məntiqlidir ki, bu addıma qədər hər şeyi dəqiqliklə ölçüb-biçmək lazım idi. Hətta bütün bunlar olsaydı belə, istər-istəməz sadə bir sual yaranır: hakimiyyət tərəfdarlarının mövcud piarı nə məna daşıyır, xüsusilə Ermənistanın baş nazirinin Rusiyaya səfəri ərəfəsində?”