Ərdəbil əyalətində xəstəxanalarda çarpayı çatışmazlığı ilə yanaşı mütəxəssis tibb işçiləri baxımındanda problem yaşanılır.

Gunaz.tv

Bu barədə Ərdəbilin Tibb Elmləri Universitetinin rektoru Behzad Davərniya məlumat verib.

O, eyni halda xəstəxanaların bir çoxunun istifadəyə yararsız və köhnə olduğuna da diqqət çəkərək. xəstələrə xidmət göstərilməsinin çətinləşdiyini bildirib.

"İnsan resurslarının çatışmazlığı baxımından ölkə üzrə orta göstəricidən 56% geridəyik, xəstəxana çarpayıları baxımından isə xəstəxana çarpayılarının kəskin çatışmazlığı olan əyalətlərdən sırasında yer alırıq",- Davərniya söyləyib.

O, Tibb Elmləri Universitetində kadr çatışmazlığının aradan qaldırılmadığı təqdirdə, real mənada ciddi problemlərin yaranacağı, xəstəxanaların radiologiya, ultrasəs və digər ixtisaslaşdırılmış şöbələri kimi bəzi ixtisaslaşdırılmış bölmələrin bağlanacağı barədə xəbərdarlıq edib.