İranın Şərqi Azərbaycan vilayətində zəlzələ baş verib. APA-nın Tehran Universiteti Geofizika İnstitutu Seysmoloji Xidmət Mərkəzinin saytına istinadən verdiyi məlumata görə, təbii fəlakətin episentri İranın Şərqi Azərbaycan vilayətinin Vərzəqan rayonuna təsadüf edib. 3.7 bal gücündə olan zəlzələ iyunun 11-də Bakı vaxtı ilə saat 18:57-də yerin 12 km dərinliyində meydana gəlib. Təbii fəlakət Vərzəqandan 8 km, Xacədən 33 km və Əhərdən 39 km uzaqlıqda baş verib. Tələfat yoxdur.