Fransa, Böyük Britaniya və Almnaiya hələ də İranla nüvə proqramı ilə bağlı saziş imzalamaq niyyətindədir və İranı bu prosesə xələl gətirən addımlardan çəkinməyə çağırır.

Trend "TASS"a istinadən xəbər verir ki, bu barədə Fransa Xarici İşlər Nazirliyinin yaydığı bəyanatda deyilir.

"2022-ci ilin mart ayından etibarən İranı Hərtərəfli Birgə Fəaliyyət Planı üzrə öhəliklərini yerinə yetirəcəyini və ABŞ-ı yenidən müqaviləyə qayıtmasını təmin edəcək razılaşma masadadır. Biz təəssüf edirik ki, İran diplomatik fürsətdən istifadə edərək bu sazişi imzalamadı və onu indi bunu etməyə çağırırıq. Biz bu sazişi bağlamağa hazırıq", - bəyanatda deyilir.
Sənəddə, həmçinin İranın “qabaqcıl sentrifuqalar” quraşdırmasından və Beynəlxalq Atom Enerjisi Agentliyinə (MAQATE) Saziş çərçivəsində bütün şəffaflıq tədbirlərinə son qoymaq qərarını bildirməyindən təəssüf bildirilir.