ABŞ hakimiyyəti Ukraynaya HIMARS raket sistemləri üçün sursat daxil olmaqla 275 milyon dollarlıq yeni hərbi yardım paketi təqdim etmək qərarına gəlib.

"Xalq Cəbhəsi" xəbər verir ki, bu barədə Associated Press məlumat yayıb.

Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi CNN-ə yardım barədə məlumatı təsdiqləyib.

Agentlikdəki rəsmi şəxslərdən verilən məlumata görə, bu yardımın ayrılması 24 saat ərzində rəsmən elan edilə bilər. Yeni paketə əsasən döyüş sursatı daxildir. Onlar Pentaqonun anbarlarından təmin ediləcək.

Nəşr qeyd edir ki, Kiyevə yardımın növbəti partiyasına ABŞ-ın əvvəllər Ukraynaya vermədiyi yeni silahlar daxil olmayacaq.
Cavid