Son sutkada Rusiya Ukraynada daha 850 hərbçisini itirib Dünya

Son sutkada Rusiya Ukraynada daha 850 hərbçisini itirib

Rusiya qüvvələri son sutkada Ukrayna ərazisində daha 850 hərbçisini itirib.

"Unian" xəbər verir ki, bu barədə Ukrayna Silahlı Qüvvələrinin Baş Qərargahının yaydığı məlumatda deyilir ki,
bununla da Rusiya tərəfinin müharibə başlayandan bəri ümumi itkilərinin sayı 124 710 nəfərə çatıb.

Həmçinin son sutka ərzində Rusiyaya məxsus 7 tank, 6 zirehli döyüş maşını, 11 artilleriya sistemi, 1 helikopter Ukrayna ordusu tərəfindən sıradan çıxarılıb.
Xatırladaq ki, ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.

Cavid