Çin Mərkəzi Asiya ölkələrinə müdafiə imkanlarını gücləndirməyə kömək etməyə hazırdır.

"Xalq Cəbhəsi" RİA Novosti-yə istinadən xəər verir ki, bunu Çin prezidenti Si Cinpin Sianda Çin-Mərkəzi Asiya Sammitində bildirib.
"Çin Mərkəzi Asiya ölkələrinə təhlükəsizlik və müdafiə sahəsində hüquq-mühafizə orqanlarının potensialını gücləndirməyə kömək etməyə, həmçinin regional təhlükəsizliyin qorunması və terrorizmlə mübarizə səylərini dəstəkləməyə hazırdır", - Si Cinpin deyib.

O, həmçinin qeyd edib ki, Çin Əfqanıstanın qonşularının koordinasiya mexanizmində rol oynamağa davam edəcək və ölkənin sülh yolu ilə yenidən qurulmasına kömək edəcək.
Mayın 18-19-da Çinin Sian şəhərində Si Cinpinin sədrliyi ilə Çin-Mərkəzi Asiya sammiti keçirilir. Tədbirdə Qazaxıstan prezidentləri Kasım-Jomart Tokayev, Qırğızıstan prezidenti Sadır Japarov, Tacikistan prezidenti Emoməli Rəhmon, Özbəkistan prezidenti Şavkat Mirziyoyev və Türkmənistan prezidenti Serdar Berdiməhəmmədov da iştirak edirlər.

Cavid