ABŞ hakimiyyəti "Xalisco Yeni Nəsil" narkokartelinin rəhbərləri barədə məlumat verənlərə ümumilikdə 102 milyon dollara qədər mükafat təklif edib.

APA xəbər verir ki, bu barədə ABŞ Dövlət Departamenti məlumat yayıb.

Bildirilib ki, mükafat kartelin səkkiz rəhbərinin və onlarla əlaqəli şəxslərin saxlanılmasına və ya təqsirinin sübuta yetirilməsinə kömək edəcək məlumatlara görə veriləcək.

ABŞ, həmçinin kartellə əlaqəli 65 nəfərə qarşı viza məhdudiyyətləri tətbiq edib.