Almaniya bütün dünyada Ukrayna Silahlı Qüvvələri üçün sursat axtarır.

Bu barədə “Der Spiegel” jurnalı Almaniya Müdafiə Nazirliyinin Ukraynaya yardımın əlaqələndirilməsi üzrə işçi qrupunun rəhbəri, general-mayor Kristian Freydinqə istinadən məlumat yayıb.

Onun sözlərinə görə, Qərb ölkələri “bütün dünyada sursat almağa çalışır”. O, həmçinin artilleriya və zenit mərmilərinin "mağazaların rəflərində çox olmamasından" şikayətlənib.

Nəşr qeyd edir ki, Almaniya Müdafiə Nazirliyinin əməkdaşları daim Ukrayna Silahlı Qüvvələri üçün sursatları başqa haradan əldə edə biləcəklərini axtarırlar. Məqalədə deyilir ki, Qərb kəşfiyyat agentliklərinin fikrincə, Ukraynanın öz ehtiyatları “iyun ayından gec olmayaraq” və bəlkə də daha tez tükənəcək.

Bundan əvvəl Rusiyanın BMT-dəki daimi nümayəndəsi Vasili Nebenzya bildirmişdi ki, Aİ Ukrayna münaqişəsində əsas uduzanlardan biridir. Nebenzya qeyd edib ki, Avropa ölkələrinə rusofob zəhər vurulub və nəticədə tamamilə zəhərlənib.

Cavid