İran bəzi şəhərlər üzərində uçuşları dayandırıb.

Trend-in məlumatına görə, bu barədə "Reuters" agentliyi İranın dövlət KİV-sinə istinadən bildirib.

"İsfahan, Şiraz və Tehran şəhərləri üzərində uçuşlar dayandırılıb", - deyə qeyd olunub.
Xatırladaq ki, aprelin 13-də İran İslam İnqilabı Keşikçiləri Korpusu (SEPAH) qanadlı və ballistik raketləri ilə "Doğru vəd əməliyyatı" kod adı altında İsrailə hücum edib. Hücumların aprelin 1-də İsrailin İranın Dəməşqdəki səfirliyini bombalamasına cavab olaraq həyata keçirildiyi bildirilir. Bu, iki ölkə arasında ilk birbaşa hərbi qarşıdurmadır.

Aprelin 14-də səhər saatlarında İran İsrailə qarşı əməliyyatın başa çatdığını elan edib.