Rusiya Nəqliyyat Nazirliyi Braziliya, Malayziya və Pakistanla birbaşa reyslərin açılması ilə bağlı danışıqlar aparır.

Bu barədə Rusiyanın nəqliyyat naziri Roman Starovoyt TASS-a müsahibəsində bildirib.

"Malayziya və Braziliya nəzərdən keçirilir. Pakistan bu yaxınlarda belə bir xahişlə bizə müraciət etdi. Burada biz də vəziyyəti təhlil edirik və daim dialoq aparırıq. Təbii ki, biz turizm sənayesi nümayəndələrinin də bu danışıqlarda iştirakında maraqlıyıq”.

O qeyd edib ki, Rusiya Federasiyası dost ölkələrin bir çox xarici aviaşirkətləri ilə danışıqlar aparır. “Bizim marşrut şəbəkəmiz daim dəyişir, biz paritet, qarşılıqlı hörmət və bütün beynəlxalq qaydalara uyğunluq prinsiplərinə açığıq”.

Cavid Şahverdiyev