Ukraynanın keçmiş prezidenti Pyotr Poroşenko ölkədə prezident seçkisinin oktyabrın 26-da keçirilə biləcəyini iddia edib.

Xalqcebhesi.az xəbər verir ki, o, bu barədə "Senzor” nəşrinə müsahibəsində deyib.

Poroşenko qeyd edib ki, bu barədə Ukrayna Prezidenti Ofisindəki və hüquq-mühafizə orqanlarındakı mənbələrdən məlumat yayılıb.

“Qeyd edin: Bu ilin 26 oktyabrı...”, - o bildirib.

Sabiq prezidentin sözlərinə görə, indiki hakimiyyət hər şeyi elə hazırlayır ki, seçkidə rəqibsiz qalsın:

"Və demokratiyanı, azadlığı, seçkinin şəffaflığını məhv edərək yenidən hakimiyyətə qayıtsınlar. Çünki onlar hakimiyyətdən getməkdən qorxur".