Cənubi Amerika ölkəsi Ekvadorun Nueva Prosperina bölgəsindəki gecəqonduda dəstələr arasında toqquşma baş verib. Qarşıdurmada 22 nəfər həlak olub, 3 nəfər yaralanıb.

Hadisə şahidlərinin sözlərinə görə, 20 nəfərlik silahlı dəstə məhəlləyə daxil olaraq bir çox evə basqın edib.

Polis bölgədə geniş təhlükəsizlik tədbirləri görüb və hücumları "Los Tiguerones" adlı mütəşəkkil cinayətkar dəstənin üzərinə atıb.

Prokurorluq hadisə ilə bağlı araşdırmalara başlayıb.