BBC üçün “Qəzza: Hücum altındakı doktorlar” sənədli filmini hazırlayan “Basement Films”in yaradıcısı və Kanal 4-ün keçmiş xəbər redaktoru Ben De Pear deyib ki, qurum onu susdurmaq üçün ona və komandasına “ikiqat məxfilik maddəsi” ehtiva edən müqaviləni tətbiq etməyə çalışıb.

De Pear LinkedIn-də yazıb: “BBC rəhbərlərinin dəfələrlə məni imzalamağa məcbur etməyə çalışdıqları ikiqat məxfilik maddəsinə etiraz etdim və onu imzalamaqdan imtina etdim”.

O, BBC-nin baş direktoru Tim Davie-ni də tənqid edərək bütün qərarların jurnalistlərdən çox Davie tərəfindən verildiyini iddia edib: "O sadəcə bir ictimaiyyətlə əlaqələr sahəsində işçidir. O, açıq-aydın verə bilməyəcəyi redaktor qərarları qəbul edir. BBC-nin əsas məqsədi televiziya xəbərləri və aktual hadisələrdir və əgər bu baxımdan uğursuz olarsa, onun hansı serialı çəkməsinin və ya hansı idman sahəsinə yer verməsinin əhəmiyyəti yoxdur. Bir qurum olaraq uğursuzdur və bu baxımdan uğursuz olursa, yeni idarəçiliyə ehtiyacı var”.

BBC isə ittihamlara birbaşa cavab verməyib, lakin təşkilatdakı mənbələr iddia edib ki, yapım şirkətindən yalnız standart bir tanıtım icazəsi maddəsini imzalamağı xahiş ediblər.